تعالو شوفو المعدوس هذي الاكله ماتخليكم تجوعون وانتو صايمين

السلام عليكم ورحمه الله وبركاته

اليوم جايبه لكم اكله خفيفه وسهله وهي المعدوووووووووس

اتوقع الكل يعرفها والي ما يعرفها هي اكله حجازيه

المهم بلا كثر كلام >>>>>>>>> اخلصي

المعدوس نوعين نوع تاكلونه مع اللبن ونوع مع السلطه المطحونه

النوع الاول
هذا مره سهل
المقادير
2كوب رز
1\2 1 كوب عدس اصفر
ملح
عاد انتو على حسب الاشخاص تسونه بس لكل كاسن رز كاس او كاس ونصف عدس
وماء على حسب الي يكفي لنضج

الطريقه
1 اغسلي الرز والعدس وانقعيهم لمده عشر دقايق واذ كنتي مستعجله مو لا زم تنقعيه
2 سخني الماء على النار الى حد الغليان
3 اضيفي العدس والرز والملح
وغطي القدر الي ان ينضج
ولو تسوينه في قدر الضغط يجي اطعم بس انتبهو ما يطول لا تحسبونه لحم
4 وبعدين يقدم في طبق وهو ساخن مع اضافة السمن البري او الزبده
ويقدم مع اللبن
هذا من السفره للمخده على طووووول



النوع الثاني

المقادير :
نص فنجان شاي زيت
حبه بصله
ملعقه ملح
كاس او كاس ونص حسب عدد الاشخاص رز
عدس اصفر تكون كميته اقل من الرز بشويه
معجون طماطم
فلفل اخضر

الطريقه :
حطي الرز والعدس في قدر واغسليها وخليها تنقع لمده ربع ساعه
قطعي البصل بالشكل اللي تحبينه
جيبي قدر وحطي فيه الزيت الين يسخن وحطي البصل "
بعد كذا حطي معجون الطماطم وقلبيه مع البصل والزيت
وبعدين حطي المويه واهم شيء تكون مغليه اسهل لك
ولاتنسين اضافه الملح
ولما تغلي المويه حطي الرز والعدس اللي قد نقعتيها
واضيفي الفلفل كامله بدون تقطيع بس تعطي طعم بدون حراره
وخليه على نار وسط الين تنشف مويته
ولما يقرب يستوي حطي اذا عندك ملعقه زبدة واذا ماعندك مو مهم

وفي ناس يحطون بدل معجون الطماطم زعفران بس بمعجون الطماطم اطعم

وهذا تسوين معه سلطه مطحونه طماطم وفلفل وكزبره او حمر

اممممممممممممممممممممممم

مرره لذيذ

جربوها ماراح تندمو